Hürlimann Töffli Tour 2022

Die Ersti Hürlimann Töffli Tour - das erwartet dich:

• E grandiosi Tour durchs Zürcher Unterland
• DJ Beck in Black uf de offne Rennbahn
• Es Velo Renne zum bestuune 
• Feinsts Hürlimaa Bier und heissi Würst! 
• Töffli Fachsimple unter Gliichgsinnte
   

Um was gahts?

Es isch Friitig Nammittag, t Sunne schiint und langsam chunnt s Wuchenändi nächer. Mir träffed eus gli mit euse Fründ:inne unde am Fluss, bim Skaterplatz oder eifach bi dem eine Bänkli am Waldrand.

Det hi chömemer natürlich mit eusne Töffli. Wie immer a de rächte Schultere t Hand vonere Kollegin ufm Velo, will ihri Eltere keis Töffli erlaubed… Schad für t Claudia, aber eus machts umso cooler. De Rucksack isch gfüllt mit chüele Getränk und Bradwürst. S Läbe isch schön.

Und was hät jetzt das mit dem Event ztue?

Mir sind viellicht nüme di Coole vo damals und eusi beste Fründ:inne gsehmer au na höchstens ei Mal im Monät. Aber eis blibt gliich: wenn mir ufs Töffli sitzed denn isch d Welt in Ordnig und mir wider bitzli lässiger. De Töffli Lifestyle wämmer zäme zelebriere!

T Eckdate:

Datum:                   
Sunntig, 25. September 2022

Wo:                          
Offene Rennbahn Oerlikon
Start-, Ziel-, und Festgländ

Ziit:                          

10:00 – 11:00 Uhr    
Iiträffe & Ahmälde uf de Offene Rennbahn und individuelli Abfahrt uft Tour*

Ab 13:00                   
Rückchehr zu de Offene Rennbahn
E gueti Wurst, es feins Hürlimaa Bier und en DJ sorged für di richtig Stimmig

18:00                         
Fertig lustig

Wie:                         
Bring dis eigene Töffli mit! Nachem Bier chasches ufm Parkplatz stahlah und am Mäntig wider hole.

Priis:                        
Für 25 Stutz bisch debi. Inklusiv isch en Routevorschlag, s Finisher-Bier oder Softgetränk, e Wurst und es chliini Erinnerig…
S Fäst uf de Offene Rennbahn isch für alli Töffli Liebhaber:inne ab de 13:00 Uhr offe und gratis!

Mäld di jetzt ah, mir freued eus uf dich!

*Befahrung der vorgeschlagenen Tour erfolgt auf eigene Gefahr. Es gelten die üblichen Verkehrsregeln. Jegliche Haftung wird abgelehnt. Wir bitten euch, in kleinen Gruppen zu reisen um Traubenbildung zu vermeiden.

weniger anzeigen